«AMANAT» партиясининг Сайрам туман филиали жамоатчилик қабулхонасининг иш режасига мувофиқ, туман ҳокими Арман Сабитов фуқароларни шахсий муаммолари бўйича қабуллади. Унда партия филиали ижровий котиби Қуаниш Сиздиқов ҳам иштирок этди.

Туман партия филиалида ташкил этилган қабулда фуқаролар тадбиркорлик, балиқчиликни ривожлантириш, ер участкаси, инфратузилма ва ижтимоий масалалар бўйича мурожаат қилдилар. Туман ҳокими ва ҳуқуқ-тартибот органлари раҳбарлари фуқаролар томонидан кўтарилган масалаларга қонун доирасида тушунтириш бердилар.

Қорабулоқ қишлоғи фуқароси аҳоли яшайдиган ҳудудларда эскириб кетган электр тармоқлари, ноқонуний қурилишлар ва қишлоқдаги бир қатор долзарб масалаларни кўтарди. Туман ҳокими ўз навбатида кўтарилган масалалар бўйича махсус ишчи гуруҳ томонидан ўрганилиши ва натижалари қўшимча хабар қилинишини маълум қилди.

Шунингдек, қабулга келган фуқаро Хонқўрғон қишлоғидаги ички кўчаларни ўртача таъмирлаш ва кўчаларга чироқлар ўрнатишни сўранди. Туман ҳокими Хонқўрғон қишлоғидаги 8,9 чақирим йўлни ўртача таъмирлаш учун смета ҳужжати тайёрлангани ва ҳозирги кунда давлат хариди танлови ўтказилаётганини маълум қилди. Тунги ёритиш чироқларини ҳомийлар ёрдамида ўрнатиш режаланган.

Ҳуқуқ-тартибот органлари раҳбарлари ҳам фуқароларни тинглаб, ҳуқуқий маслаҳатлар бердилар. Барча масалалар ҳар томонлама кўриб чиқилиб, қонун доирасида ҳал этилиши таъкидланди. Туман ҳокими Арман Сабитов масъул бўлимларга фуқаролар томонидан кўтарилган барча муаммоларни назоратга олиш ва уларни тезкор ҳал этишни топширди.