Қадрли Қозоқ эли!

Ҳурматли туркистонликлар!

Сизларни халқимизнинг улуғ айёми – Наврўзи олам билан чин қалбдан табриклаймиз!

Юртимиз тинч, улуснинг улуғ куни қутлуғ бўлсин!

Боболаримиз беш минг йилдан буён Наврўзни йил боши сифатида нишонлаб келишган.

Халқимиз йилни хайрли ва эзгу ишлар билан бошлаб, барча эл ва элатлар бир-бирига меҳр-мурувват кўрсатишади.

Бу кунда халқимиз байрам дастурхони устида учрашиб, бир-бирига эзгу ниятларини билдиришади.

Меҳнатсевар халқимизнинг қадди ва қадри баланд бўлиб, ота-боболаримизнинг дуолари қабул бўлгай.

Наврўзда элу юрт ободонлашиб, булоқларнинг кўзи очилиб, дарахт кўчатлари ўтқазилган.

Бу борада Президентимизнинг “Тоза Қозоғистон” дастури миллий анъаналарга ҳамоҳанг равишда ҳаётга татбиқ этилмоқда.

Барчангизни табиатни асраб, қишлоқ ва ҳовлиларимизни тозалаб, кўчат экишга чақирамиз!

Жорий йил Наврўз муқаддас Рамазон ойи билан бақамти келиб турган рўзаларингиз қабул бўлсин! Анъаналаримиз ва дин халқимизни бирликка чорлайверсин.

Яқинда Давлат раҳбари Қасим-Жўмарт Тўқаев “Туркистон шаҳрининг алоҳида мақоми тўғрисида”ги Қонунни имзолади.

Минтақани ҳар томонлама ривожлантиришни топширди.

Вилоятда ушбу йўналишда тегишли ишлар амалга оширилмоқда. Янги мақом шаҳарни янада ривожлантиришга жўшқинлик беради.

Энг муҳими, тарихий ёдгорликларни муҳофаза қилиш чоралари кучайтирилади.

Хожа Аҳмад Яссавий мақбарасини асраб-авайлаб, авлоддан-авлодга етказиш – бурчимиз.

Туркистонни янги мақомга мос равишда ривожлантирамиз.

Азиз ҳамюртлар!

Давлат раҳбари Қасим-Жўмарт Кемелули Бурабай шаҳрида ўтган Қурултойда қадим маданиятимиздаги Наврўз байрамининг ўрни беқиёслигини алоҳида таъкидлади.

Жорий йилда ҳам элимизда Наврўз байрами 10 кун нишонланиб, эзгу тадбирлар амалга оширилмоқда.

Туркистон минтақасида ҳам Наврўз юксак даражада нишонманмоқда.

Барча туман, шаҳар, қишлоқларда элимизни тозалик, бирлик, баракага бошлайдиган тадбирлар ўтказилмоқда.

Миллий ўзлигимиз, маданиятимиз, анъаналаримиз улуғланмоқда.

Барчангизни Наврўз шодиёнаси билан табриклаб, оилаларингизга тинчлик ва барака тилаймиз!

Наврўз айёми муборак бўлсин!