Миллий Қурултойнинг Бурабайдаги йиғилиши ўзгача ўтди. Биринчидан, Кўкшетаунинг тўридаги тадбир Қурултойнинг фуқаровий жамият институти сифатида такомиллашаётганини намоён этди. Қурултойнинг мақсади – элнинг тотувлиги ва миллий бирлигини мустаҳкамлаш, жамиятни ташвишлантираётган долзарб масалаларни муҳокама қилиб, муҳим қарорлар қабул қилиш. 

Улитауда ўтган Қурултойдан сўнг Республика кунининг жорий этилиши, “Меҳнат одами” концепциясининг тасдиқланиши, Туркистон, Атираудаги тадбирдан сўнг “Адолатпарвар фуқаро” тамойилини ҳаётга татбиқ этиш, қонун устуворлигини таъминлаш, зўравонликка қарши тадбирлар, вейплар, вандализмга қарши, гиёҳванд моддалар савдоси, ўйин бизнеси, қиморбозлик, шунингдек, давлат мукофотлари тўғрисида қабул қилинган қонунлар Қурултойнинг самарасини кўрсатмоқда.

Туркистон шаҳрига алоҳида мақом берилгани, унинг ҳуқуқий асослари белгилангани асрга татигулик иш бўлди.

Давлат раҳбари Қасим-Жўмарт Тўқаевнинг иқтисодиёт тараққиётига бевосита таъсир кўрсатадиган бюджетнинг даромад қисмини тўлдирувчи солиқ сиёсати ҳамда қўшимча қиймат солиғи тўғрисидаги маъруза давлатнинг молиявий захираларини оширишга хизмат қилади.

Бурабайда қизғин баҳс-мунозараларга сабаб бўлаётган, долзарб масалалар кўтарилди. Президент халқнинг фикрини ҳам инобатга олди. У адолатли ва самарали солиқ тизимини яратиш юзасидан кўрсатмалар берди. Қонунчилигимизда бюджетнинг ярмидан кўпи ижтимоий тўловларга йўналтирилиши, бу борада ижтимоий ёрдамни муҳтожларгина олиши зарурлиги ёзилган. Бунинг учун молиялаштириш тизимини тартибга солувчи қонунчилик ҳужжати зарурлиги айтилди. Диний ташкилотлар фаолияти ҳақида гап кетганда, асосий мақсад миллатни бирлаштириш, деган хулосага келди. Давлат раҳбари таъсисчилар томонидан кўтарилган масалаларга алоҳида тўхталди.

Адвокат Айман Ўмарованинг таклифига тўхталар экан, асосий мақсад жазо эмас, балки ахлоқ-тузатиш, қамоқхонадаги ҳомиладор аёлларга оид қонунчиликка ўзгартиришлар киритиш зарурлиги, энг муҳими, жамиятимизда адолатни тиклаш эканлигига катта эътибор қаратди. 

Қурултой ишининг асоси ижтимоий онгни янгилашни кўзда тутади. Яна бир масала бу – суратга олинган фильмларни назорат қилиш ғояси. Маблағи борлар киноижодкорлиги билан шуғулланаётгани, унинг ғоявий моҳияти, жамиятга фойдаси, тарбиявий аҳамиятни ўрганиш вазифаси тегишли давлат идораларини ташвишга солаётгани сир эмас.

Бурабай шаҳрида ўтган Қурултойда долзарб масалаларни муҳокама қилиш ва тадбирларни самарали юритиш тамойиллари йиғилишнинг асосини ташкил этиб, учрашувнинг мазмун-моҳиятини очиб берди.