Давлат раҳбари тинчликпарварлик миллий таркиби ҳарбий хизматчилари билан учрашди. 

Қасим-Жўмарт Тўқаев Миллий тинчликпарвар кучлар таркибида муваффақиятли хизмат қилиб, халқаро хавфсизликни мустаҳкамлашга катта ҳисса қўшган зобит ва аскарлар билан учрашди. Президент мамлакат зиммасига юклатилган масъулиятли вазифани юксак савияда бажариб келаётган ҳарбийлар қаҳрамонлик ва жасоратнинг юксак намунаси кўрсатиб, бу орқали Миллий армия, бутун давлат нуфузини юксалтирганини таъкидлади.

– Тинчликпарварлик сиёсати тинчлик элчиси бўлишни англатади. Бу улкан шараф ва юксак масъулият, чинакам жасур жангчиларгина уддалай оладиган вазифадир. Барчангизга самимий миннатдорчилик билдираман. Маълумки, ҳозир дунёда вазият жуда мураккаб. Турли можаролар юз бермоқда. Афсуски, уларни музокаралар йўли билан ҳал қилиб бўлмаяпти. Бундай ҳолларда тинчликпарварлик тадбирлари алоҳида ўрин тутади. Қозоғистон тинчликпарвар давлат. Биз дунёда барқарорлик ўрнатишга қаратилган барча ташаббусларни қўллаб-қувватлаймиз, – деди ҚРнинг Олий Бош қўмондони.

Президентнинг сўзларига кўра, 2014 йилдан буён мамлакат қуролли кучлари Бирлашган Миллатлар Ташкилотининг тинчликпарварлик тадбирларига ҳисса қўшиб келмоқда, 80 нафар фуқаро бир неча тадбирларда кузатувчи ва штаб зобитлари сифатида 700 нафарга яқин ҳарбий хизматчи эса БМТнинг махсус амалиётларида иштирок этган. Давлат раҳбари улар орасида Алия ва Маншук, Хиаз йўлидан борган жасур хотин-қизлар ҳам борлигини таъкидлади.

Қасим-Жўмарт Тўқаев кўплаб давлатлар тинчликпарварлик кучларга қўшилишга интилаётганини, бироқ ҳаммага ҳам ишонч билдирилмаслигини таъкидлади. Қозоғистонга шундай имконият берилаётгани, миллий армия ўтган йили яна бир тарихий қадам ташлаганини айтди.

– Қозоғистон илк бор мустақил равишда тинчликпарварлик вазифаларини ўз зиммасига олди. Голан тепаликларида олиб борилган операция доирасида Бирлашган Миллатлар Ташкилоти билан муносабатларимиз бутунлай янги босқичга кўтарилди. Биз тўлақонли тинчликпарвар кучларга эга давлатлар сафига қўшилдик. Қозоғистон Марказий Осиёда бу борада катта тажриба тўплаган ягона давлатдир, – деди Президент.

Олий Бош қўмондон аскарларни муҳим вазифаларни бажаришга тайёрлашга алоҳида эътибор қаратди. Унга кўра, қисқа вақт ичида ҳарбий хизматчиларни турли касб-ҳунарларга ўргатиш, уларни халқаро андазаларга жавоб берадиган барча қуроллар билан таъминлаш борасида юқори сифатли ишлар амалга оширилди.

Сўнг ҚР Президенти бир гуруҳ тинчликпарвар хизматчиларни давлат мукофотлари билан тақдирлади.

Қасим-Жўмарт Тўқаевнинг 2025 йил 14 апрелдаги Қозоғистон Республикасининг давлат мукофотлари билан тақдирлаш тўғрисидаги ҚАРОРИГА мувофиқ:

1. Бирлашган Миллатлар Ташкилотининг Голан тепаликларида тинчликпарварлик вазифаларини амалга оширишда ҳарбий бурчини намунали бажарганлик, жасорат ва фидойилик кўрсатгани учун қуйидагилар мукофотлансин:

Сағадат Нурмағамбетов номидаги I даражали «Айбын» ордени билан

Айипов Жигер Муратули – ҚР Мудофаа вазирлиги Тинчликпарвар жараёнлари маркази бошқармаси бошлиғи;

Бауржан Мўмишули номидаги II даражали «Айбын» ордени билан

Аппазов Сухраб Тўхтиқожаули – ҚР Мудофаа вазирлиги Тинчликпарварлик тадбирлари маркази катта зобит-мураббийи;

Камен Бауржан Қасимули – ҚР Мудофаа вазирлигининг 58012-сонли ҳарбий қисми муҳандислик батальони штаб бошлиғи;

Қасимов Мақсат Сейилханули – ҚР Мудофаа вазирлиги 99230-сонли ҳарбий қисм зобити.

Мукофотларганларнинг тўлиқ рўйхатини akorda.kz сайтида ўқий оласиз.