ҚР Президенти легионерларни бюджетдан молиялашни тақиқловчи қонунни имзолади.

Қонун мамлакатнинг жисмоний тарбия ва спорт соҳасини ривожлантириш сиёсатини такомиллаштиришга қаратилган. 

“Давлат раҳбари “Қозоғистон Республикасининг айрим қонун ҳужжатларига жисмоний тарбия ва спорт масалалари бўйича, шунингдек, ортиқча қонунчиликни тартибга солишнинг олдини олиш борасида ўзгартиш ва қўшимчалар киритиш тўғрисида”ги Қозоғистон Республикаси Қонунини имзолади”, дейилади хабарда.

Ваколатли орган спортнинг устувор турларининг республика ва ҳудудий рўйхатини ишлаб чиқади, юқори натижаларга эришган спорт турлари рўйхатини ва уларни бюджет маблағлари ҳисобидан молиялаштириш тартибини белгилайди.

Асосий спорт турлари халқаро майдонда эришилган натижаларга қараб белгиланади. Булар Олимпия, Паралимпия, Сурдолимпия, Осиё, ПарОсиё ўйинлари дастурига киритилган спорт турлари, шунингдек, миллий спорт турларидир.

Чет эллик легионерларни бюджет ва квазидавлат шўъбаси субъектлари маблағлари ҳисобидан молиялаштириш тақиқланади.

Бундан буён бюджет маблағлари фақат тўртта йўналишга сарфланади: спортнинг юқори ютуқлари, жумладан, спортнинг устувор йўналишлари, давлат жисмоний тарбия ва спорт ташкилотлари фаолияти, оммавий спорт, спорт инфратузилмасини ривожлантириш.

Қонун матни матбуотда эълон қилинади.