Вилоят таълим бошқармаси тасарруфидаги таълим муассасаларининг биринчи раҳбарларини лавозимга тайинлаш танловининг “Суҳбатлашув” босқичи очиқ шаклда ўтди.

Суҳбат ижтимоий тармоқларда жонли эфирда намойиш этилди. Бунинг учун олдиндан номзодлардан розилик олинди. Танловнинг якуний босқичини жонли эфирда 2000га яқин одам томоша қилди. Шаффофликка асосланган танловда номзодни баҳолаш очиқ овоз бериш йўли билан амалга оширилади.

Суҳбатда 13та муассаса раҳбарлигига умидвор 26 нафар номзод иштирок этди. Натижада, 10та муассасанинг биринчи раҳбари тайинланди. Номзодлардан бири танловга келмади, икки нафари эса “Суҳбатлашув” босқичидан ўта олмади. 

Танлов комиссиясининг таркиби ҳам янгиланди. “Суҳбат” босқичи комиссияси таркибида 15 нафар аъзо бор. Яқинда уларнинг сафига таълим соҳасининг фахрийси Баян Жўлдасова, Х. А. Яссавий номидаги Халқаро қозоқ-турк университети ректори Жанар Темирбекова, “Қозоғистон ишбилармон хотин-қизлар ҳамжамияти” вилоят бўлими раиси Инара Намазбаева, Туркистон шаҳридаги “Болалар ва ўсмирлар маркази” директори, айтишув устаси Бекарис Шўйбеков киритилди.

Ушбу жараённинг “Суҳбатлашув” босқичида кузатувчилар ҳам иштирок этишди.

Умуман, вилоят таълим тизимида адолат ва ошкораликни таъминлашга қаратилган ташаббуслар қатор янгиликлар билан амалга оширилмоқда. Келгусида бу жараённи такомиллаштириш режаланган.