Вилоятимизда 170тага яқин таълим муассасаси фаолият юритмоқда. Уларда 51 минг нафардан зиёд ўқувчи илм эгалламоқда. 

Мактабларда 3435 педагог меҳнат қилмоқда. Вилоят ҳокимининг ўринбосари хусусий мактабларнинг директорлари билан учрашув ўтказди. Унда муҳим масалалар муҳокама қилиниб, таклифлар билдирилди.

Мактабларнинг нуфузи, таълим сифати таҳлили натижалари баён этилди. Миллий таълим ахборотлар жамғармасининг маълумотларига кўра, хусусий мактаблардаги педагогларнинг малакаси белгиланган кўрсаткичдан паст. Бунга баъзи таълим муассасалари томонидан нотўғри маълумотларнинг киритилиши, уларни вақтида янгилаб турмаслиги ҳам сабаб бўлмоқда. 

Вилоят таълим бошқармаси раҳбарининг ўринбосари Жандўс Маханбетовнинг таъкидлашича, мактаб директорлари 3 йилда камида бир марта менежмент бўйича малакасини ошириб туриши зарур. Лекин бу вазифа тегишли даражада бажарилмаган. 102та мактабдан 902 нафар ўқитувчи ўқув курсидан ўтса, 66та мактаб бу ишларни тегишли даражада ташкил этолмаган. BilimClass электрон журнали текширилганда, уларнинг 30тага яқини рўйхатдан ўтмагани аниқланди. Давомат 99,96, таълим сифати эса 60,05 фоизни ташкил қилган.

Бугунги кунда вилоятдаги 157та хусусий мактаб давлат буюртмаси асосида хизмат кўрсатмоқда. Уларда 47 минг нафардан зиёд ўқувчи ўқийди. ҚР «Молия маркази» ҲЖ таълим соҳасидаги ваколатли органнинг оператори. 

Жорий йил 1 январдан бошлаб молиялаштириш мақсадли трансферт сифатида вилоят бюджети ҳисобидан амалга оширилмоқда. 

Вилоят ҳокимининг ўринбосари Б. Тажибаев ходимлар ва педагогларнинг ойлик маошини тўлаш масаласи доимий назоратда эканлигини таъкидлади.