ҚР Маориф вазири Ғани Бейсембаев Туркистон вилоятига хизмат сафари доирасида қатор таълим муассасаларида бўлди.

Вазир “Ишчи касблари йили”нинг эълон қилиниши муносабати билан техник ва касб-ҳунар таълими тизимини ривожлантиришга алоҳида эътибор қаратиш зарурлигини таъкидлади.

Туркистон олий кўп тармоқли ва ҳунармандчилик коллежи вилоятдаги энг қадимий таълим муассасаларидан биридир. Бу ерда бўлажак ҳунармандлар, кулоллар, заргарлар, дастурчи мутахассислар тайёрланса, “Ёш мутахассис” лойиҳаси доирасида “Ахборот технологиялари” ва “Ҳунармандлик” йўналишлари бўйича республика марказлари фаолият юритмоқда. Коллежда ўқувчилар 11та мутахассислик бўйича таълим олмоқда.

Вазир жамоа билан бўлиб ўтган учрашувда Давлат раҳбарининг топшириғига мувофиқ, техник ва касб-ҳунар таълими тизимини янги шаклда ривожлантириш билан боғлиқ асосий вазифалар белгиланганини таъкидлади

Вазир, шунингдек, “Бадастир мактаб” миллий лойиҳаси доирасида барпо этилган 33-мактабда ҳам бўлди. Вилоятда 29та замонавий мактабларнинг қурилиши давом этмоқда. Айни пайтда минтақада 13та “Бадастир мактаб” фаолият юритмоқда. 

Вазир мутасаддиларга ўқитувчилар таркиби ва ўқув жараёнини ташкил этиш сифатини ошириш юзасидан кўрсатмалар берди.