Туркистон шаҳридаги «Фараб» кутубхона мажмуасида «Оила. Шахс. Фуқаролик жамият» мавзуида ота-оналар анжумани ўтди. Тадбир Туркистон вилоят ижтимоий тараққиёт бошқармаси ва «Туркистон вилоят ота-оналар уюшмаси» жамоат бирлашмаси томонидан ташкил этилди. 

Унда Туркистон вилояти ҳокимининг ўринбосари Бейсенбай Даулетули, ҚР Президенти қошидаги Хотин-қизлар ишлари ва оилавий-демографик сиёсат тўғрисидаги Миллий комиссия аъзоси Баян Айтбекқизи, «Туркистон шаҳар Хотин-қизлар уюшмаси» жамоат бирлашмаси раиси Улжалғас Абенқизи иштирок этди. Йиғилишда оилавий руҳшунослар, оила Академияси асосчилари ва шифокорлар маъруза қилди.

Анжуман Туркистон вилоятида оила институтини мустаҳкамлаш, фарзанд тарбиясида ота-онанинг ўрни, болаларга нисбатан зўравонликнинг олдини олиш борасида ташриф буюрган иштирокчиларга тушунтириш мақсадида ташкил этилди.

Оила – муқаддас! Ҳар бир оила жамият кўзгуси. Оилавий қадриятлар ва анъаналарга содиқ Туркистон вилояти демографик ўсишда етакчи. Давлат Раҳбарининг топшириғига биноан мамлакат ва жамоат институтлари томонидан оилалар фаровонлигини юксалтириш борасида мажмуавий чора-тадбирлар амалга оширилмоқда. Анъанага кўра, вилоятимизда навбатдаги «Намунали оила» танловини бошладик. Жамиятимизда намуна бўла оладиган оилалар жуда кўп. Турли лойиҳалар ва танловлар натижасида биз бунга гувоҳ бўляпмиз. Қудратли давлат ҳам, яхлит жамият ҳам биринчи навбатда аҳиллиги мустаҳкам, баракали оилалардан ташкил топади. Намунали оилалар – келажакда мамлакатни бошқарадиган, зиёли фуқарони тарбиялайди, рақобатбардош жамиятни шакллантиради, – деди Бейсенбай Даулетули.