“Сув ресурслари – Маркетинг” МЧБнинг бош директори Анарбек Ўрман ОАВ вакиллари, шаҳримиздаги кўп қаватли уйлар ва маҳалла қўмиталари раислари, жамоатчилик олдида жорий йилнинг биринчи ярим йиллик ҳисоботини тақдим этди.

Бир миллиондан зиёд Шимкент шаҳри ва қисман Сайрам тумани аҳолисини арзон ва тоза ичимли сув билан таъминлаб келаётган жамоанинг жорий йилда эришган ютуқлари билан бирга бугунги муаммоларига ҳам тўхталаркан, собиқ Иттифоқ даврида қурилган сув қувурларининг 60 фоиздан зиёди, яъни 924 чақирими эскирганлиги, ҳисобот даврида уларнинг асосий қисми қайта таъмирланганлигини таъкидлади.

Шунингдек, чиқинди сувларини қайта ишлаш ҳажмини 200000 м. кубга етказиш устида ҳам ишлар олиб борилаётганлигини баён этди.

“Сув ресурслари – Маркетинг” МЧБ ўз даромадининг 16 фоизини солиққа, 3 фоизини тўлиқ таъмирлашга сарфлайди. 2022-2023 йил қиш фаслининг совуқ келиши сабабли шаҳардаги 136та кўп қаватли уйларнинг қувурлари музлаб қолганлиги ҳам анча қийинчиликлар туғдирган. Корхона 244903та фойдаланувчи ва 7480 нафар ҳуқуқий шахсларга хизмат кўрсатади.

Истеъмолчиларга барча текширишлардан ўтказилгач, сув юборилади.