Ўрдабоши туманида ёшларни тадбиркорликка рағбатлантиришга доир “Ўз касбингни оч” мавзуида экскурсия ҳамда маҳорат сабоғи ўтди. Дастлаб иштирокчилар “Бөрте Милка” МЧБ мажмуавий сут фермаси ва “Bokei” МЧБнинг ғишт заводига саёҳат уюштирдилар. 

Семинарни Ўрдабоши тумани ҳокими ўринбосари Ўлжас Бўлатханули ҳамда вилоят ижтимоий тараққиёт бошқармасининг, Ёшлар имконият маркази муассасасининг раҳбари ўринбосари Пердебек Есқулов очиб, тадбиркорлик соҳасининг тараққиёти ва келгусида амалга ошириладиган кенг кўламли лойиҳаларга тўхталди. 

Туман Маданият уйида 300дан зиёд йигит-қизга “Ёшларга мўлжалланган 2,5 фоизли насия”, “Бизнеснинг йўл харитаси – 2025”, “Бастау бизнес” лойиҳаларининг йўналишлари тушунтирилди.

Тадбирга махсус таклиф этилган “Daryn online” компаниясининг республика бўйича харид бўлими раҳбари Байдибек Қуатбай, ёш миллионер, бизнес-тренер Ўндирис Саят ва ёш тадбиркор, давлатимизда илк тур-саёҳат соҳаси асосчиларидан бири Қабилбай Жақсибек ўз бизнес соҳалари  ва муваффақиятлари ҳақида сўзлаб бердилар.

Иштирокчилар ўз  саволларига жавоб олиб, энг фаол иштирокчиларга “Jake tau” жамоаси ва жамоат фаоли Ўлжас Мамир Тўлебий тумани Қашқасув қишлоғидаги сиҳатгоҳларнинг бирига бепул йўлланма совға қилди.