Вилоят ҳокими Дархан Сатибалди Ўтрор туманига ташриф буюриб, Сирдарёда ҳалок бўлганларнинг ота-онаси ва яқинларига ҳамдардлик билдирди. Уларга тегишли ёрдам кўрсатилишини маълум қилди.

Ўтрор туманида сувга чўккан 11 кишининг 9 нафарининг жасади топилиб, уларга жаноза ўқилди ва дафн этилди. Воқеа юзасидан Фавқулодда вазиятлар бошқармаси қошида тезкор штаб ташкил этилиб, қутқарувчилар, туман ҳокимлиги, ўрмон хўжалиги ва кўнгиллилар жўнатилди, қидирув тадбирларига зудлик билан киришилди. Масала шахсан вилоят раҳбари Дархан Амангелдиулининг назоратига олиниб, оилага тегишли ёрдам кўрсатилди.

Вилоят ҳокимининг икки ўринбосари шу жойда бўлиб, тегишли ёрдам ташкил этилди. Қидирув ишларига жами 150та гуруҳ, 16та техника ва 6та сузиш воситаси сафарбар қилинди.

Қутқарувчилар ва кўнгиллилар аҳолини ёзда бу ерда чўмилиш мумкин эмаслиги ҳақида огоҳлантиришган. Маълум бўлишича, тушунтириш чоғида ушбу оила аъзолари ҳам иштирок этган. Бироқ, рухсат этилмаган жойда чўмилиш ва хавфсизлик чораларига риоя қилмаслик фожиа билан якунланди. Вилоят аҳолисидан эҳтиёт чоралари талабларига қатъий риоя қилишни сўранамиз.

Ҳалок бўлганларнинг оила аъзолари ва яқинларига ҳамдардлик билдирамиз.