Туркия Республикасининг Ван шаҳри савдо-саноат палатаси раиси Неждет Таква ва вилоят тадбиркорлар палатаси директори Асилан Ибадуллаев ҳамкорлик меморандумини имзолади. Томонлар тадбиркорлик соҳасида яқин алоқалар ўрнатиб, савдо-иқтисодий ҳамкорликни ривожлантиришга келишдилар.

Келгусида икки мамлакат компанияларининг сармоявий лойиҳаларини амалга оширишда бевосита алоқа ўрнатиш учун шарт-шароитлар яратиш кўзланмоқда. “Тurkistan” индустриявий минтақасидаги кичик ва ўрта тадбиркорлик иншоотлари фаолияти билан танишган делегация вакиллари сармоявий лойиҳаларни амалга ошириш ниятида.

Режага кўра, “Экобозор”га ташриф буюрган туркиялик меҳмонлар тадбиркорлик ва саноат бошқармаси раҳбари Самат Қўшқинбай билан учрашди. Самат Жандарули ташкил этилганига 5 йил бўлган вилоят иқтисодиётини ривожлантиришнинг асосий йўналишларига тўхталди.

Туркистон вилоятида тадбиркорликни ривожлантириш истиқболларини юксак баҳолаган меҳмонлар ўзаро тажриба алмашиш йўналишида ҳам алоқалар ўрнатишга тайёр. Музокаралар натижасига кўра, икки томон тадбиркорларнинг семинарлар, курслар ёки амалиётларда иштирок этишини ташкил этишга келишилди.