Вилоят ҳокими Дархан Сатибалди Туркистон шаҳридаги ўрта ва кичик бизнес ривожига ҳисса қўшаётган ишлаб чиқариш корхоналарига бориб, тадбиркорлар билан мулоқотда бўлди. Иш жараёни билан яқиндан танишиб, касбга тўсқинлик қилаётган омилларни муҳокама қилди.

Ҳозирги кунда ҳунармандчилик маҳсулотлари харидоргир, истеъмолчининг талаби ҳам ошди. Эсдалик совғалари ишлаб чиқарувчи маҳаллий тадбиркорлар Туркистон ҳунармандчилигининг ривожига салмоқли ҳисса қўшмоқда. Бу ерда йилига 1000 дона маҳсулот ишлаб чиқарилади. Тадбиркорлар сўнгги пайтларда миллий нақшлар акс эттирилган ҳунармандчилик маҳсулотларига талаб ортиб бораётгани, келажакда тадбиркорлик фаолиятини янада кенгайтириш ниятида эканликларини айтишди. 

Д. Сатибалди ўз уйида ҳунармандчилик билан шуғулланаётган тадбиркорлар билан ҳам учрашди. “Қанібекова” ҲЖнинг темир ва ёғоч эшик ишлаб чиқариш цехида йилига 6000та эшик ишлаб чиқарилади. Бу ерда 20 киши доимий иш билан таъминланган.

Бундан ташқари, вилоят ҳокими “Сауран” уй-жой мавзесида бўлиб, амалга оширилаётган ишлар билан танишди. Мутасаддилар билан учрашиб, уларга аҳоли билан ҳамкорликда ишлашни тавсия қилди.