Жорий йил туркий давлатлар ташкилотининг сайёҳлик соҳаси бўйича йиғилишида Туркистон шаҳрига 2024 йилда Туркий дунёси сайёҳлик пойтахти унвонини бериш ташаббуси қўллаб-қувватланган эди. Тадбирда Туркистон вилояти ҳокими Дархан Сатибалди тарихдан келажакка қадам ташлаган туркий халқларнинг маданий ва маънавий пойтахти йилдан-йилга гуллаб-яшнаётганини, Давлат раҳбари Қасим-Жўмарт Тўқаев Туркистон шаҳрига алоҳида мақом беришни топширганлигини таъкидлаб, кенгашнинг VIII норасмий саммитида Туркистонни туркий дунёнинг маънавий пойтахти деб номлаш бўйича томонлар имзолаган декларациянинг юксак аҳамиятга эга эканлигини  қайд этган эди. Бугун Озарбайжон Республикасида “Шамахи – туркий дунёсининг сайёҳлик пойтахти 2023” тадбирининг ёпилиш маросими ўтди. Туркий Мамлакатлар Ташкилоти (ТМТ) томонидан бериладиган расмий мақомни олиш маросимида вилоятдан махсус делегация иштирок этди. 

Октябрь ойида Туркистонда ўтказилган Туркий Мамлакатлар Ташкилоти давлатларида сайёҳлик масалалари бўйича масъул вазирларнинг VIII йиғилишида Туркистон – Туркий мамлакатларининг 2024 йилда сайёҳлик пойтахти бўлди. Бугунги тантанали йиғилишга ушбу мақомни Шамахидан Туркистонга қабуллаб олиш учун келдик. Бу биз учун тарихий ва қувончли лаҳзалардир. Ушбу қарор туркийзабон давлатлар ўртасидаги сайёҳлик йўналишидаги муносабатларни мустаҳкамлашга алоҳида туртки бўлади. Сизларни Туркистон вилоятининг тарихий-маърифий сайёҳлигидан ташқари, шифоли ва экологик сайёҳлик йўналиши билан танишишга таклиф этамиз ва тарихдан келажакка қадам ташлаган Туркистонда, яъни Отаюртда кутамиз! – деган вилоят ижтимоий тараққиёт бошқармаси раҳбари Ерлан Кузембаев туркий халқларнинг маданий ва маънавий макони,  Қозоқ хонлигининг пойтахти бўлган Туркистон аҳлининг саломини етказди. 

1500 йилдан зиёд тарихга эга Туркистон шаҳри таълим ва фан, адабиёт ва маданият, Буюк Ипак йўлидаги савдо маркази бўлган. Туркистоннинг янги қиёфаси ушбу салоҳиятни жонлантирмоқда. Хожа Аҳмад Ясавий мақбараси эса бадиий меъморчилик асосида бутун инсониятнинг маънавий меросига айланган ёдгорликдир. Муқаддас шаҳар бугунги кунда қадимийлигини сақлаб, замонавий талабларга мос қад ростламоқда.

Таъкидлаш жоизки, Озарбайжоннинг Шамахи шаҳри ва Туркий Мамлакатлар Ташкилоти (ТМТ) томонидан 2023 йилда туркий дунёсининг сайёҳлик пойтахти бўлиб, кўплаб яхши ташаббусларни амалга оширди. Ушбу мақомнинг 2024 йилда Туркистон шаҳрига ўтказилиши туркий халқнинг яхлитлигини ривожлантириш йўлидаги катта қадам бўлади. Шунингдек, келгуси йилда турли маҳаллий тадбирлардан ташқари, халқаро миқёсдаги лойиҳаларни ташкил этиш қўлга олинган.