Туркистон вилоятида “Тоза Қозоғистон” тадбири давом этмоқда. 

    Минтақа ҳудудида шанбаликларда 15 449 чақирим йўл 1093 кв.метр пиёдалар йўлаги тозаланди. 1270та бекат тартибга келтирилиб, 175 мингга яқин дарахт оқланди. 346та истироҳат боғи ва хиёбон тартибга келтирилди. Шу билан бирга, 60 минг квадрат метр ёки 360 чақирим сув соҳили тозаланди.

    Девон мажлисида вилоят ҳокими Дархан Сатибалди мазкур масалага эътибор қаратиб, мутасаддиларнинг ҳисоботларини тинглади. Уларга тегишли вазифалар юклади.

    – “Тоза Қозоғистон” акцияси доирасида тозалик, ободонлаштириш ишлари бўйича ҳокимликлар ва бошқармаларнинг фаолияти таҳлил қилиниб, рейтинги ишлаб чиқилсин. Ҳар бир бошқарма ўзи етакчилик қиладиган муассасаларнинг тозалик тадбирларидаги иштирокини таъминласин. Вакиллар орасида тушунтириш, экологик саводхонликни ошириш ишларини тўхтатмаслик керак, – деди Дархан Сатибалди.

    Вилоят энергетика ва уй-жой коммунал хўжалиги бошқармаси раҳбари Руслан Муздибековнинг айтишича, кун сайин туман, шаҳарларда босқичма-босқич шанбаликлар уюштирилмоқда. Табиий захираларга масъул бошқармага чиқиндиларни олиб кетиш юзасидан аҳоли манзилларини тўлиқ қамраш жоизлиги тўғрисида индикаторлар жорий этилмоқда.