Аҳолининг репродуктив саломатлигини муҳофаза қилиш мамлакатимизнинг соғликни сақлаш соҳасидаги асосий йўналишларидан бири. Шу боис, ушбу масала Президент қошидаги Хотин-қизлар ишлари ва оилавий-демографик сиёсат бўйича Миллий комиссиянинг доимий эътиборида. 

Бу ҳақда ҚР Президенти ҳузуридаги Хотин-қизлар ишлари ва оилавий-демографик сиёсат бўйича Миллий комиссия раиси ўринбосари Лаззат Сулейман минтақавий алоқалар хизматида ўтган брифингда маълум қилди.

Мамлакатимизда она ва бола ҳуқуқларини ҳимоя қилиш, ижтимоий-соғломлаштириш шароитларини яратиш борасида турли жамғармалар, кенгашлар ва жамоат ташкилотлари фаолият юритмоқда.

– Шунга қарамай, мамлакатимизда ўсмирлар ўртасида туғиш ва аборт қилиш, жинсий йўл билан юқадиган касалликлар, она ва бола ўлими ҳолатлари кузатилмоқда. Шу боис, ушбу соҳа ижтимоий ёрдам талаб қиладиган энг долзарб масалага айланмоқда. Ёшлар саломатлиги – миллат келажаги, миллатнинг сифатли пойдевори, десак, муболаға бўлмайди. Жаҳон соғликни сақлаш ташкилотининг маълумотларига кўра, ҳар йили 15 ёшдан 19 ёшгача бўлган 12 миллион қиз бола она бўлмоқда, уларнинг 775 минг нафари 15 ёшгача бўлган ўсмирлардир, – деди Л. Сулеймен.

Умуман олганда, мамлакатимизда 18 ёшгача бўлган болалар сони 7 миллионга яқин, уларнинг 51 фоизи болалар, 49 фоизи – қизлар. Шаҳар, қишлоқ тақсимотида болалар ўртасида ўғил ва қизларнинг улуши бир хил. Мамлакатда туғиш ёшидаги аёллар сони 4,7 миллиондан ошади.