Вилоят ҳокими Дархан Сатибалди етакчилигидаги делегация Татаристон Республикасига хизмат сафари доирасида Иннаполис шаҳрига борди. Шаҳар мэри Дмитрий Вандюков ҳамда университет директори ўринбосари Искандар Бариев билан учрашиб, замонавий таълим маскани билан танишди.

Фан ва IT технологияларни ривожлантириш, сунъий заковат, робототехника соҳаси ҳамда инновациявий ҳудудларни ташкил этиш, тажрибаси билан ўртоқлашиш борасида ҳамкорлик масалалари муҳокама қилинди. “Иннополис” университети ахборот технологиялар ҳамда робототехника соҳасидаги таълим ва тадқиқотларга ихтисослашган олий таълим муассасаси. Замонавий ОТМда барча академик дастурлар инглиз тилида олиб борилади, мутахассислар ахборот технологиялари билан тиғиз боғлиқ. Университет Россиядаги 300та етакчи IT компаниялари билан 17та қўшма лаборатория ва 9та тараққиёт марказига эга илмий марказ. 

Иннополис – Қозон шаҳри агломерацияси ҳудудида барпо этилган замонавий шаҳар. Унда “Иннополис” университети ва “Иннополис” алоҳида иқтисодий ҳудуди мавжуд. Мос­ква шаҳри яқинидаги Сколково ва Новосибирскдаги Кольцово ҳудудлари билан бирга, Россиядаги IT технологияларни ривожлантириш мақсадида барпо этилган илмий-ишлаб чиқариш ҳудудларнинг бири.