Вилоятимизда фаолият юритувчи даврий нашрларнинг раҳбарлари ва журналистлари, жумладан, ҚР Журналистлар уюшмасининг вилоят филиали раиси в. б.  М. Даулетов, “DIDARBEK.kz” ахборот агентлигининг директори А. Ассенди, “Жас алаш” газетасининг вилоятдаги мухбири Б. Даут, “Шымкент келбеті” газетасининг муҳаррири Б. Тайжан, “Өзге пікір” газетасининг бош муҳаррири Ш. Мўлдабек, “Жанубий Қозоғистон” вилоят газетаси директор-бош муҳаррири Р. Алибоев, “Минтақавий алоқалар хизмати” бўлими раҳбари Т. Байтас ва ходими Қ. Карибаев, “Түркістан” газетасининг мухбири Д. Тилеуханлар Сайрам туманига ташриф буюриб, “Исфижоб” МЧБга қарашли “Мартўбе”, “Сайрам садоси”, “Пульс Сайрама” газеталари ходимлари билан мулоқотда бўлишди.

“Исфижоб” МЧБ директори А. Умаров меҳмонларни таҳририят фаолияти билан таништирди. “Бугунги кунда жамоада ўн ходим ишламоқда, – деди у. – “Мартўбе” – 1600, “Сайрам садоси” – 2500, “Пульс Сайрама” – 600 нусхада чоп этилмоқда. Жорий йилга 8 миллион тенге миқдорида давлат буюртмаси олганмиз. Учта газета учун бу маблағ етарли эмас. Ходимларимизнинг маошлари ҳам кам...” 

Тадбир давомида медиасаводхонликни ошириш борасидаги ОАВ ходимларининг роли, ахборот соҳасида фаолият юритаётган журналистларнинг малакасини ошириш, туман ва шаҳарлардаги ОАВларнинг давлат буюртмасини олишга эришуви ҳамда ижросидаги тажрибаларни ўрганиш, ахборот тарқатишда анъанавий ОАВ ва медиамакондаги замонавий услубиятларни қўллаш ҳамда рақобатбардошликни ошириш каби долзарб масалалар муҳокама қилинди.

ҚР Журналистлар уюшмасининг вилоят филиали раиси в. б.  М. Даулетов мазкур тадбирнинг аҳамиятини таъкидлаб, бундай учрашувлар йил охиригача барча туманларда давом этишини  таъкидлади.