25 октябрь – Республика куни арафасида Туркистон шаҳрида 260 квартирали, 3та кўп қаватли уй соҳибларига топширилди. Шаҳарликларнинг қувончини бирга баҳам кўриш мақсадида вилоят ҳокими Дархан Сатибалди махсус ташриф буюриб, уларга бошпана калитларини топширди.

– Сизларни байрам билан муборакбод этаман! Мустақил элимиз доим гуллаб-яшнасин! Ушбу қутлуғ байрам арафасида уй олган бир гуруҳ вилоят маркази аҳолисининг қувончи чексиз. Биз аҳолини бошпана билан таъминлаш йўналишидаги ишларни тўхтатмаймиз, – деди Дархан Сатибалди.

Туркистон шаҳрининг “Ўтрор” шўъбаси ҳудудида 20та уй қурилиши бошланди. Унинг 9таси “Бастау” корпорацияси орқали харид қилиниб, навбатда турганларга берилмоқда. Бугун 3та уй 123 кўп болали оилага, 129таси аҳолининг “ижтимоий кам таъминланган гуруҳлари” тоифасидаги фуқароларга ҳамда 8таси етим ва ота-онасининг қаровисиз қолган болаларга берилди.

Бугунги кунда бошпанага муҳтож 16 515 нафар фуқаро уй навбатида турибди. Маҳаллий фуқароларни бошпана билан таъминлаш ишлари жадал олиб борилмоқда. Жорий йил вилоят марказида навбатда турган 222 оилага бошпана ижарага берилди. Шунингдек, йил сўнггига қадар навбатдаги фуқароларни уй билан таъминлаш мақсадида 1728 квартирали 20та кўп қаватли уй қурилиши олиб борилмоқда.