Вилоятимизда камбағаллик ва ишсизликка қарши кураш, ижтимоий соҳадаги камчиликларни бартараф этиш йўналишида салмоқли ишлар амалга оширилмоқда. Ижтимоий соҳага ажратилган маблағни белгиланган мақсадга йўналтириш, кўз­бўямачиликка барҳам бериш мақсадида назорат юритилмоқда. 

Вилоят ҳокими ўринбосари Бейсенбай Тажибаев раислигида ўтган мажлисда ушбу масала муҳокама қилинди. Унда мутасадди бошқарма ва ташкилот раҳбарлари ҳисобот берди.

2024 йилнинг 9 ойи натижаларига кўра, аҳоли бандлигини таъминлаш ва камбағаллик даражасини пасайтириш бўйича бажарилган ишлар тўғрисида вилоят бандликни мувофиқлаштириш ва ижтимоий дастурлар бошқармаси раҳбари Асия Темирбаеванинг ҳисоботи тингланди. Унинг сўзларига кўра, вилоят ҳокими тасдиқлаган “Минтақанинг бандлик харитаси” доирасида 2024 йилда 118,9 минг иш ўрни очиш режаланган. Унинг 74,1 мингтаси доимий иш ўринлари.

Мажлисда “Меҳнат захиралари ҳаракатчанлиги” маркази директори Абзал Қазанқапов   ўзи раҳбарлик қилаётган ва “Мавқе” марказларида олиб борилган текширувлар натижаси билан таништирди. 2024 йилнинг февраль ойида субсидияланган иш ўринларини уюштириш жараёнида маблағни ноқонуний ўзлаштириш ҳолатлари аниқланган. Марказ томонидан аниқланган далиллар Иқтисодий тергов-тафтиш департаментига йўлланиб, тергов ишлари юритилди. Натижада, қонунбузарликларни бартараф этиш борасида тасдиқланган чора-тадбирлар режасига мувофиқ, 82,8 млн. тенге (52 фоиз) давлатга қайтарилди. 

Юқорида қайд этилган марказларнинг 43 ходимига интизомий чоралар кўрилди, 16 нафар ходим ишдан бўшатилди.