Сайрам тумани маркази Оқсувкент қишлоқ округи ҳокими сайлови якунларига кўра, округ сайлов комиссиясининг қарори билан Мади Абайули Нурлибаев Оқсувкент қишлоғи ҳокими этиб сайланди. Сайрам тумани ҳокими Арман Сабитов янгидан сайланган ҳокимни Оқсувкент қишлоғининг фаолларига таништирди ва келгуси фаолиятига муваффақият тилади. Тадбирда туман ҳудудий сайлов комиссияси раиси Сабит Реметов иштирок этди.

Мади Нурлибаев 1990 йил 17 июнда туғилган, маълумоти олий, касби – иқтисодчи. У фаолиятини 2012 йилда Қазиғурт тумани, Қизилқия қишлоғи ҳокими девонида етакчи мутахассис-ветеринар вазифасини бажарувчи сифатида бошлаб, турли йилларда етакчи мутахассис-ветеринар, Ақбулақ қишлоғи ҳокими девони етакчи мутахассиси, Сайрам тумани ҳокими ёрдамчиси, туман уй-жой коммунал хўжалиги бўлими бош мутахассиси, Қорасув қишлоқ ҳокими ўринбосари, Оқсувкент қишлоғи ҳокимлиги маъмурий-бошқарув бўлими раҳбари, Сайрам туман уй-жой коммунал хўжалиги бўлими бўлим раҳбари, Сайрам туман маданият, тилларни ривожлантириш, жисмоний тарбия ва спорт бўлими раҳбари каби лавозимларда фаолият юритган.