Жорий йилда вилоятимизда 50та мактаб биноси барпо этилмоқда, шундан 29таси “Бадастир мактаб”. Муқаддам мазкур лойиҳа доирасида минтақамизда еттита мактаб фойдаланишга топширилган эди.

Мактаблар қурилишининг бориши билан танишиш мақсадида вилоят ҳокими Нуралхан Кўшеров Саврон туманига ташриф буюриб, бинокорлар билан мулоқотда бўлди. 

– “Бадастир мактаб” лойиҳаси доирасида қурилаётган 29та мактабдан ташқари, вилоят бюджети ва бошқа молиялаштириш манбалари ҳисобидан яна 21та мактаб барпо этилмоқда. Ушбу 50та мактабнинг фойдаланишга топширилиши вилоятдаги хароба ва уч навбатли мактаблар муаммосини ҳал этишга хизмат қилади. Биз таълим тизимини сифат жиҳатидан юксалтиришга алоҳида эътибор қаратмоқдамиз, – деди у. 

Миллий лойиҳа доирасида Чўрноқ қишлоқ ҳокимлигига қарашли Аша қишлоғида 600 ўринли мактаб қурилмоқда. Бунёдкорлик ишларининг боришини кўздан кечирган вилоят раҳбари пудратчиларга маҳаллий қурилиш материалларидан фойдаланиш, ишлаб чиқариш режасига риоя қилиш зарурлигини таъкидлаб, аниқ топшириқлар берди.

***

Шунингдек, вилоят ҳокими Нуралхан Кўшеров хизмат сафари давомида туман шифохонаси фаолияти билан яқиндан танишди, ходимлар билан учрашиб, эркин фикр алмашди ва аҳоли саломатлигини асрашда муҳим ўрин тутадиган муассасалар фаолиятини мунтазам такомиллаштириш муҳимлигини таъкидлади.

Саврон туман шифохонаси 73 минг аҳолига хизмат кўрсатади.