Кентов иссиқлик электр станцияси тубдан таъмирланмоқда. Стратегик муҳим иншоотдаги барча ишлар бевосита вилоят ҳокими Дархан Сатибалди, мутасадди идора ва департаментлар раҳбарларининг назоратида.

Вилоят раҳбари яна бир бор Кентов шаҳрига ташриф буюриб, таъмирлаш ишларининг боришини кўздан кечирди. Штаб йиғилишини ўтказиб, мутасадди шахсларга тегишли топшириқлар берди. Йиғилишда ҳуқуқ-тартибот идоралари раҳбарлари ҳам иштирок этди.

Иссиқлик электр станциясидаги вазият юзасидан вилоят ҳокимининг биринчи ўринбосари Зулпихар Жўлдасов, Кентов шаҳри ҳокими Жандўс Тасов ва пудратчи ташкилот раҳбарияти ахборот беришди. Тадбирда таъмирлашга масъул пудратчи ташкилотнинг фаолияти муҳокама қилинди.

“Эм-Холдинг” МЧБ вакили иссиқлик марказида ҳафта давомида амалга оширилган ишлар ҳақида маълумот берди. Муассасада 180 киши икки сменада меҳнат қилмоқда.

Иш режасига кўра, 8 ва 11-сонли қозонхоналар август ойининг охирида, 9 ва 10-сонли қозонхоналар сентябрь ойининг иккинчи ўн кунлигида, 7 ва 12-сонли қозонхоналар ноябрь ойининг охирида фойдаланишга топширилади.