Шимкент  шаҳридаги “Дўстлик уйи”да Шимкент шаҳри ҳокими, шаҳар Қозоғистон халқи Ассамблеяси раиси Ғабит Сиздиқбеков иштирокида 1 март – Шукрона куни ва Қозоғистон халқи Ассамблеясининг 30 йиллигига бағишланган “Шукрона – одамийлик тимсоли” мавзуида байрам тадбири ўтди. 

Тадбир доирасида Шимкент шаҳрининг ижтимоий-иқтисодий тараққиётига ҳисса қўшиб келаётган турли этнос вакиллари ишлаб чиқарадиган маҳсулотлар кўргазмаси уюштирилди. 

Шаҳар Ассамблеяси аъзолари ва этномаданият бирлашмалари раислари “Қозоқ элига минг раҳмат!” ёдгорлиги пойига гул қўйиб, ҚХАнинг 30 йиллигига бағишланган “Бирлик ва тотувлик йўлидаги 30 йил” ёдгорлик лавҳасини очди. “Шукрона” карвонини тантанали равишда кутиб олиш маросими кўпчиликда катта таассурот қолдирди.

“Дўстлик уйи”да шаҳар этномаданият бирлашмаларининг кўргазмаси уюштирилиб, унда халқимизнинг маданий-тарихий мероси ва этнослар тарихини фош этадиган экспонатлар таништирилди.

Шаҳар ҳокими Ғабит Сиздиқбеков тантанада Давлат раҳбари, Қозоғистон халқи Ассамблеясининг раиси Қасим-Жўмарт Тўқаевнинг табригини ўқиб, эшиттирди.

Таъкидлаш жоизки, 1 мартда ташкил этилганига 30 йил тўлган ҚХА жамият тотувлиги ва умуммиллий ҳамжиҳатликни мустаҳкамлаш, этнослараро тотувликни мустаҳкамлаш ва қозоғистонча ватанпарварликни улуғлаш сингари этносиёсат доирасидаги мақсад-вазифаларни шараф билан бажариб келмоқда. 

Байрам тадбири концерт дастурига уланиб, унда шаҳар ўзбек драма театри жамоасининг чиқиши ҳам давомли қарсаклар билан қарши олинди.