Вилоят ҳокимлигида Туркистон шаҳрининг Бош режасига ўзгартишлар ва қўшимчалар киритиш масаласи муҳокамасига бағишланган мажлис ўтди. Тадбирда минтақа раҳбари ҳамда шаҳар меъморчилиги кенгашига Бош режанинг лойиҳаси тақдим этилди.

Лойиҳага шаҳар 2040 йилга қадар ривожлантириш режаси киритилган. Шаҳарнинг инфратузилмасини яхшилаш, сайёҳлик соҳасини ривожлантириш, тарихий қадамжолар ва ёдгорликларни асрашга асосий эътиборга қаратилган. Шу билан бирга, шаҳарнинг ҳар бир қисмини ривожлантириш, ижтимоий иншоотлар билан таъминлаш, иссиқлик ва сув тизимлари салоҳиятини аҳоли сонига кўра босқичма-босқич ошириш, шаҳардаги автомобиль йўлларини мақбуллаштириш ва бошқа масалаларни ўз ичига олган. 2040 йили Туркистон шаҳри аҳолисининг сони 400 мингга етади, деб режаланиб, шаҳарнинг Бош режаси шу асосда кенгайтирилган.

Минтақа раҳбари Бош режани таҳлил қилиб, қўшимчалар киритишни топширди.

Мажлисда вилоят ҳудудидаги туман, шаҳар марказларининг дизайн-кодини ҳозирлаш, аҳоли манзилларининг меъморчилигини яхшилаш, “Біркөлік” рекреация ҳудудини тартибга келтириш юзасидан таклифлар ҳамда шаҳарсозлик бошқармасининг раҳбари Нурлижан Букебаевнинг ҳисоботи тингланди.