Давлат раҳбари Қ. Тўқаевга 2024 йилда «Самұрық-Қазына» гуруҳининг соф фойдаси 39 фоиз, шунингдек, молиявий операциялар фойдаси 9 фоизга ошгани ҳақида маълумот берилди.

“Самұрық-Қазына” ҲЖ раиси Нурлан Жақипов бу йил май ойида битум ишлаб чиқаришни кенгайтириш лойиҳаси бошланганини маълум қилди. Йил охиригача яна 7та йирик сармоя лойиҳаси, жумладан, Кендерли қишлоғидаги тузсизлантириш заводи, Алмати шаҳрини айланиб ўтадиган темир йўл тармоғи, Ақтау портидаги контейнер хаби, Талдиқўрған-Ушарал магистраль газ қувури, Жамбил вилоятида шамол энергияси бўйича ускуна ишлаб чиқарадиган корхона қурилишлари амалга оширилади. “Достық-Мойынты» участкасидаги иккинчи темир йўлни эса муддатидан бир йил олдин фойдаланишга топшириш режалаштирилган.

Давлат раҳбарига «Бадастир мактаб» миллий лойиҳасининг амалга оширилиши ҳақида маълумот берилди. Ҳозирги кунда 106та мактаб қурилиши якунланмоқда, йил охиригача яна 102та таълим муассасаси қурилиши режалаштирилган.

Қ. Тўқаев  «Самұрық-Қазына» фаолияти билан боғлиқ қатор вазифаларни таъкидлаб, компания активларининг самарадорлиги, қийматини ошириш, шунингдек, сармоявий лойиҳаларни ўз вақтида ва сифатли амалга ошириш борасидаги ишларни давом эттириш юзасидан кўрсатма берди.