Вилоятимизда зараркунандаларга қарши дезинсекция чоралари узлуксиз амалга оширилмоқда. Сирдарё ўзанининг бўйига илмий таҳлил натижаси асосида зарарсиз, бироқ самарали “Бактицид” биопрепаратининг 19 440 литри қуйилди. 

Бу – экотизимга зарар келтирмай, зараркунанданинг тухум босқичида бартараф этилишини таъминлайдиган замонавий услуб. Биологик дорилаш ишларини  юритиш босқичида ишларни сифатли юритиш  ҳамда техник хавфсизликка риоя этиш тўғрисида йўриқномалар берилди. Ушбу ишларга 8та махсус техника, 6та қайиқ, 28 киши сафарбар этилган.

Шунингдек, вилоят ҳудудидаги барьерли кимёвий қайта ишлаш жадал давом этмоқда. Ҳар бир аҳоли манзили алоҳида кўриб чиқилиб, ўзгачалиги боис муқобил кимёвий инсектицидли препаратлар қўлланилмоқда. Ушбу ишларга 38та тўлиқ енгил  автотранспорт (пуркаш тизимлари билан), 18та пуркагич, 4 термо қайта ишлаш ва ҳаво дронлари сафарбар этилган. Техника етиб боролмайдиган ҳудудларда махсус дронлар қўлланилмоқда.

Дезинсекция ишлари Туркистон, Арис шаҳарлари ҳамда Чордара, Саврон, Ўтрор туманларида кундалик кучайтирилган тартибда амалга оширилмоқда.

 Иш жараёни вилоят  ҳокими Нуралхан Кўшеровнинг қатъий назоратида.