KAZINFORM. Президент Қасим-Жўмарт Тўқаев раислигида ўтган йиғилишда Миллий банкнинг 2024 йилдаги фаолияти тўғрисидаги ҳисобот тақдим этилди, дея хабар беради Ақўрданинг матбуот хизмати.

Давлат раҳбарига макроиқтисодий вазият, пул-кредит сиёсатининг асосий кўрсаткичлари, молия тизимидаги ислоҳотлар, халқаро захиралар, Миллий жамғарманинг маблағлари тўғрисида маълумот берилди.

Миллий банк раиси ҳар бир минтақанинг ўзига хослигидан келиб чиқиб, хизматларни кенгайтириш, янги хизмат турларини йўлга қўйиш, илғор тажрибалар ва намунавий лойиҳаларни жорий этиш юзасидан амалга оширилаётган ишларга тўхталди. 

Умуман, жаҳон иқтисодиётидаги мураккаб вазият бутун дунёда миллий иқтисодиётларга таъсирини ўтказаётгани қайд этилди. Бундай шароитда мамлакатимиз молия-банк тизимининг барча даражаларида молиявий интизом ва шахсий масъулиятни кучайтириш муҳимлиги таъкидланди.

Учрашувда Миллий банк фаолиятига оид долзарб масалалар муҳокама қилинди. Бундан ташқари, республика бюджетининг ижроси, пулнинг қадрсизланиш даражасини пасайтириш, пул-кредит сиёсати, “Банклар ва банк фаолияти тўғрисида”ги янги қонун лойиҳаси, иқтисодиётнинг аниқ шўъбасини кредитлаш, шунингдек, Миллий банкнинг олтин-валюта активлари ҳолати кўриб чиқилди.