Вилоят ҳокимининг ўринбосари Нурбўл Турашбеков етакчилигидаги делегация Сиань шаҳридаги Бош консулликнинг шафелиги ва ташкилотчилигида Хитой Халқ Республикасига хизмат сафари билан борди. Минтақа делегацияси дастлабки куни Шэньси вилоят губернатори муовини Чэнь Чуньцзян билан учрашди.

Учрашувда томонлар Туркистон вилояти ва Шэньси вилояти орасидаги савдо-иқтисодий алоқаларни ривожлантириш ва минтақалараро ҳамкорликни янада мустаҳкамлаш масалаларини муҳокама қилди. Таъкидлаш жоизки, ўтган йили икки минтақа ўртасида қардошлик меморандуми имзоланган эди.

Шэньси вилояти – Хитойнинг етакчи иқтисодий марказларидан бири бўлиб, саноат, қишлоқ хўжалиги, савдо соҳаларида улкан салоҳиятга эга. Икки минтақа ҳамкорликдаги сармоявий лойиҳаларни амалга ошириш, инновациялар соҳасида тажриба алмашиш, савдо ҳажмини оширишдан манфаатдорликларини билдирди.

Томонлар сув захираларидан самарали фойдаланиш, янги илғор технологияларни татбиқ этиш масалаларини муҳокама қилиб, ушбу йўналишларда тиғиз иш юритиш, умуман, ҳамкорликни кучайтиришга келишиб олишди.