Ўрдабаси туманидаги 50 мингдан ортиқ аҳоли истиқомат қиладиган Шубарсу қишлоғида янги полиция биноси фойдаланишга топширилди. Тантанали тадбирда Туркистон вилояти ҳокими Нуралхан Кўшеров, полиция департаменти  раҳбари  М. Қабденов, туман ҳокимлиги раҳбарияти, қишлоқ оқсоқоллари иштирок этди.

Икки қаватли янги замонавий иншоотда ҳуқуқ-тартибот посбонлари самарали фаолият юритишлари учун барча қулайликлар мавжуд. Бинода маърифат хонаси, мажлислар зали, болалар хонаси, махсус тергов мажмуаси, туман марказидаги видеокузатув камераларига уланган вазият маркази фаолияти йўлга қўйилган. Буларнинг барчаси ходимларнинг сиёсий, маърифий ва жанговар тайёргарлигини кучайтиришга, жиноят ва ҳуқуқбузарлик содир этилишининг олдини олиш, уларни тез фурсатларда аниқлаш имконинин беради

Тадбирда яратилаётган шарт-шароитларга муносиб тарзда хизмат қилиш зарурлиги ва энг асосийси, халқни рози қилиш кераклиги алоҳида таъкидланди.

– Буларнинг барчаси ҳуқуқ-тартибот посбонлари самарали фаолият юритишлари ходимларининг фаол фаолият юритиши учун амалга оширилмоқда ва фуқароларнинг ички ишлар органларига ишончини мустаҳкамлашга хизмат қилади. Фаолиятингизга муваффақиятлар тилаб қоламан, – деди вилоят ҳокими ва тадбир иштироккчилари  янги бинони кўздан кечиришди.