Қ. Тўқаев раислигида ҚР Хавфсизлик Кенгашининг транспорт-логистика соҳасини ривожлантириш борасида йиғилиш ўтди.

Транспорт вазири М. Қарабаев ҳамда қатор марказий давлат идоралари раҳбарларининг маърузалари тингланди. 

Давлат раҳбари транспорт соҳасидаги вазиятни танқид қилди. Тўпланиб қолган муаммолар ва белгиланган режаларнинг уддаланмаслиги замонавийлаштириш тадбирларига тўсқинлик қилмоқда.

Президент чегарадан юк ўтказишдаги қийинчиликлар, кўплаб назорат бекатларининг ночор аҳволини, шунингдек, йирик инфратузилма ва транзит лойиҳалар ижроси муддатидан кечикаётганини таъкидлади.

Қасим-Жўмарт Тўқаев «Яшил йўлак» тизимини барпо этиш ва мамлакатнинг логистика салоҳиятидан кенг фойдаланиш муҳимлигига тўхталди. Унинг таъкидлашича, дунёвий муаммолар кўпайган даврда Қозоғистон нафақат рақобатбардошлигини сақлаб қолиши, балки мустаҳкамлаб олиши ҳам керак.

Давлат раҳбари юк ташиш ҳажмини ошириш учун бозорни авиаёқилғи билан етарли даражада таъминлаш зарур, деб ҳисоблайди. 

Шунингдек, мултипликатив самарадорликни ошириш мақсадида мамлакатимиз орқали юк ташиш ҳажмини ошириш, жумладан, унинг дунёвий тизимга қўшилиш вазифасини қўйди.

Мажлис якунида Президент иш давомида йўл қўйилган камчиликлар учун вазир Марат Қарабаевга танбеҳ берди. Шунингдек, соҳадаги муаммоларни ҳал этиш юзасидан аниқ чора-тадбирлар кўришни топширди.