Вилоят марказида солиқ тушумлари ва маҳаллий даромадларни ошириш масаласи кўрилди

Вилоятда 2024 йилнинг натижасига кўра, ялпи минтақавий маҳсулот 4,5 трлн. тенгега етди, аниқ ҳажм кўрсаткичи 2023 йилга нисбатан 108 фоизни ташкил этди. Умумий ҳудудий маҳсулот таркибида маҳаллий даромадлар улуши 4,9 фоизни ташкил қилди.

Вилоят ҳокими Нуралхан Кўшеров раислигида ўтган йиғилишда маҳаллий даромадларни ошириш масаласи муҳокама қилинди. Вилоят раҳбари мутасадди бошқармалар раҳбарлари, туман ва шаҳар ҳокимларига ишлаб чиқариш корхоналарини очиш, маҳаллий даромадлар ва солиқ тушумларини кўпайтиришга доир ишларни жонлантиришни топширди.

Мажлисда вилоят иқтисодиёт ва бюджетни лойиҳалаш бошқармаси раҳбари Қанат Қайипбек ва Туркистон вилояти бўйича Давлат даромадлари департаменти раҳбари Мақсат Нурахаевнинг ҳисоботи тингланди.

Маъмурлаштирув ишлари натижасида бу йил 6 ой натижаларига кўра, солиқ даромадлари бўйича вилоятда юксалиш даражаси 132,3 фоизни ташкил этиб, минтақа республика миқёсида 1-ўринга чиқди.

Бинобарин, солиқ соҳасида ҳали анча долзарб масалалар бор. Ушбу муаммолар очиқ айтилди. Масалан, хусусий болалар боғчалари сони давлат болалар боғчаларига нисбатан бир неча баравар кўп бўлса-да, солиқлари бир хил даражада қолмоқда. Шунингдек, Тўлебий, Сариоғоч туманларида дам олиш масканлари сони ортиб бораётган бўлса-да, солиқ тушумларида сезиларли ўсиш кузатилмайди.

Ушбу камчиликларни бартараф этиш, хуфёна иқтисодиётни қисқартириш ва ҳар бир даромад манбаини ҳисобга олиш юзасидан аниқ вазифалар юкланди.