Юртимизда қайта ишлаш ва ишлаб чиқариш соҳаларидаги имкониятларни тўлақонли ишга тушириш масаласи ҳамиша давлатимизнинг диққат марказида бўлиб келган. Бугун ҳам бу йўналишдаги ишлар изчил давом этмоқда.

Жорий ҳафтада вилоят ҳокимининг ўринбосари Нурбўл Турашбеков раҳбарлигида масъул йўналишдаги ишлар таҳлил қилиниб, мавжуд муаммолар ва истиқболдаги вазифалар муҳокама қилинди.

Йиғилишда табиий захиралар ва табиатдан фойдаланишни созлаш бошқармаси томонидан балиқчилик хўжаликларини ҳисобга олиш натижалари тақдим этилди. Ҳозирда вилоятда 231та балиқчилик хўжалиги мавжуд бўлиб, шундан 164таси расмийлаштирилган, қолганлари бўйича тегишли ҳужжатлар тайёрланмоқда. Шунингдек, яшил майдонларни ўз вақтида суғориш қатъий назоратда экани маълум қилинди.

Аграр соҳани ривожлантириш ва натижаларга эришиш, қайта ишлаш корхоналарини очиш бўйича ҳам муҳим масалалар кўриб чиқилди. Нурбўл Турашбеков бу борада жадал ҳаракат талаб этилаётганини қайд этиб, қуйидагиларни таъкидлади:

– Масала фақатгина Сайрам тумани билан чекланмайди. Ҳар бир туман ўз хусусиятидан келиб чиққан ҳолда ишлаб чиқариш салоҳиятини юзага ошириши керак. Масалан, Сайрам туманида ҳар йили 116,2 минг бош йирик ва 118,9 минг бош қўй-эчки сўйилади. Бу – терини қайта ишлаш саноатини йўлга қўйиш учун улкан имконият. Шу боис, туман ҳокимлиги билан биргаликда мол терисини тўлиқ қайта ишловчи корхона ташкил этиш борасида сармоядор жалб қилиш зарур. 

Вилоят ҳокимининг ўринбосари маҳаллий тадбиркорларга бошқа ҳудудлар тажрибасини етказиш, давлат томонидан кўрсатилаётган ёрдамлар ҳақида атрофлича маълумот бериш, заруратга қараб ҳуқуқий ёрдам кўрсатишни муҳим вазифа сифатида қайд этди. Бу эса, албатта, соҳа ривожига хизмат қилади.

Йиғилишда яна бир долзарб масала – рўйхатдан ўтмаган қишлоқ хўжалиги ерларини давлат тасарруфига қайтариш ҳақида сўз борди. Бу йўналишда Саврон, Қазиғурт ва Тўлебий туманлари олдинги ўринлардан четда қолгани айтилди.

Йиғилиш якунида қатор вазифалар белгиланди. Вилоят ҳокимининг ўринбосари берилган вазифаларнинг ижроси кундалик назоратда бўлишини таъкидлади.