Вилоятда Қурултой сайлови юксак фаоллик руҳида ўтди. Эрталаб соат 07.00да бошланган овоз бериш жараёни куннинг иккинчи ярмида ҳам жадал давом этиб, вилоят аҳолиси сайлов участкаларига фаол ташриф буюриб, ўз танловини амалга оширди.

Марказий сайлов комиссиясининг сўнгги маълумотларига кўра, соат 20.00да вилоятдаги сайловчиларнинг 92,16 фоизи овоз беришда иштирок этди. Вилоят республика бўйича сайловчиларнинг овоз бериш фаоллиги кўрсаткичи бўйича етакчилик қилди. Бу натижа ҳудуд аҳолисининг сайлов жараёнида юксак даражада иштирок этганини кўрсатади.

Сайлов куни вилоятнинг барча шаҳар ва туманларида фуқароларнинг овоз бериши учун зарур шароитлар яратилди. Аҳоли ўз фуқаролик нуқтаи назарини билдириб, мамлакат ижтимоий-сиёсий ҳаётидаги муҳим жараёнида фаол иштирок этди.

Қурултой сайловида жамиятнинг турли қатламлари – ёшлар, катта авлод вакиллари, спортчилар, меҳнаткашлар ва турли соҳа мутахассислари фаоллик кўрсатишди. Миллий либосларда сайлов участкаларига ташриф буюрган онахонлар ҳам фаолликнинг ёрқин намунасини намойиш этишди.

Хусусан, вилоятда жами 952та сайлов участкаси фаолият юритди. Шундан 26таси ёпиқ иншоотларда жойлашган. Вилоят бўйича 1204659 нафар фуқаро овоз бериш ҳуқуқига эга. Алоҳида эҳтиёжга эга 14873 нафар сайловчи учун ҳам имкониятлар яратилди.