ҚР Қурултойи сайловида овоз беришнинг дастлабки натижалари эълон қилинди. Дастлабки маълумотларга кўра, сайловчиларнинг 74,08 фоизи овоз беришда иштирок этган. Мамлакат бўйича жами 12 миллион 623 минг 289 нафар сайловчи рўйхатга олинган, шундан 9 миллион 351 минг 539 нафари овоз берган.

Сайловда cиёсий партиялар ўртасида “Әділет” партияси энг юқори натижани қайд этди. Унга 6 миллион 528 минг 948та овоз, яъни сайловчиларнинг 71,17 фоизи овоз берган. Қолган сиёсий партиялар бўйича дастлабки кўрсаткичлар қуйидагича:

“Ауыл” партияси – 574 621та овоз (6,26 фоиз); “Respublica” партияси – 509 631та овоз (5,56 фоиз); “Ақ жол” Қозоғистон демократик партияси – 478 083та овоз (5,21 фоиз); “Умуммиллий социал-демократик партияси” – 469 058та овоз (5,11 фоиз); Қозоғистон Халқ партияси – 285 395та овоз (3,11 фоиз); “Байтақ” Қозоғистон яшиллар партияси – 97 751та овоз (1,07 фоиз) олди. 

Шунингдек, сайловчиларнинг 2,51 фоизи “барчага қарши” овоз берган.

Дастлабки натижалар Қозоғистонда Қурултой сайловини ўтказиш жараёнида фуқароларнинг сиёсий фаоллиги юқори бўлганини кўрсатмоқда. Айни пайтда ушбу кўрсаткичлар дастлабки натижалардир, якуний натижалар сайлов идоралари томонидан расмийлаштирилади.