Вилоят ҳокими Нуралхан Кўшеров Давлат раҳбари номидан қозоғистон парламентаризмининг шаклланиши ва тараққиётига муносиб ҳисса қўшган фуқароларга “Қозоғистон Республикаси Парламентига 30 йил” юбилей медалини топширди.

Тақдирланганлар сафида йиллар давомида Парламентда депутатлик вазифасини адо этган фуқаролар, вилоят маслаҳати депутатлари, шунингдек, давлат хизматида фаолият юритиб, мамлакатимизнинг ҳуқуқий ҳамда давлат тизимлари ривожига муносиб ҳисса қўшган шахслар бор. Жамоат арбоблари Рўзақул Холмуродов ва Фахриддин Қоратоевлар шулар жумласидан.

 Тақдирлаш маросимида вилоят ҳокими қонун устуворлигининг аҳамиятига тўхталиб, мукофотланганларни қутлади.

– Қонун – мамлакатнинг мустаҳкам таянчи, жамият барқарорлиги ва фуқаро ҳуқуқи ва эркинликларини ҳимоя қилишнинг асосий кафолати. Йиллар давомида Қозоғистон Парламенти мамлакатимизнинг ҳуқуқий асосини шакллантиришга, давлатнинг барқарор тараққиётини таъминлашга хизмат қилди. Бугунги мукофот – меҳнатингизнинг муносиб баҳоси. Сизларнинг касбий тажрибаларингиз ва элга хизматингиз келажак авлодга ибратдир, – деди минтақа раҳбари.

ҚР Парламентининг 30 йиллик фаолияти даврида давлатимизнинг ҳуқуқий асосларини шакллантиришга йўналтирилган 3,5мингга яқин қонун қабулланган. Улар қаторида иқтисодий ва молиявий сиёсат, таълим, соғликни сақлаш, давлат бошқаруви, рақамлаштириш каби кўплаб соҳаларни созловчи қонунлар мавжуд. Шунингдек, Қозоғистоннинг халқаро ҳамжиҳатлигини ҳуқуқий жиҳатдан таъминловчи 1400дан зиёд халқаро шартнома ратификация қилинган.