Янги йил байрами арафасида Туркистон вилоятида осойиштани сақлаш ва жамоат хавфсизлигини таъминлаш чоралари кучайтирилди. Бу ҳақда Туркистон вилояти ПД Маҳаллий полиция бошқармаси раҳбари ўринбосари, полиция полковниги Бақитқали Кенжебаев маълум қилди.

Унинг сўзларига кўра, вилоят полиция департаменти 2022 йилнинг сўнги ҳафтасидан 2023 йил январь ойининг биринчи ҳафтасигача хизматнинг кучайтирилган шаклига ўтдилар. Шу муносабат билан республикада 15-31 декабрь оралиғида “Нина барг” ва 25 декабрдан 3 январгача “Пиротехника” профилактик тадбирлари ўтказилмоқда. 

Бундан ташқари, вилоятда янги йил байрам тадбирлари ўтказиладиган жойларда давлат нозирлари ёнғин хавфсизлиги ҳолатини назорат қилади. 

Янги йил байрами арафасида дўкон ва бозорларда пиротехника маҳсулотларини сотиш бошланди. Масалан, пиротехника маҳсулотларини сотиш учун лицензия бўлмаса ёки сақлаш тартибида қонун бузилиши кузатилса, полиция ходимлари томонидан тадбиркорга жарима солиниб пиротехника моддаларини мусодара қилиш бўйича маъмурий иш қўзғатилади. Шаҳар аҳолиси ўртасида ёнғин хавфсизлиги талабларига риоя қилиш бўйича ташвиқот ишлари олиб борилмоқда, оммавий ахборот воситалари орқали огоҳлантиришлар берилмоқда, – деди вилоят Фавқулодда вазиятлар департаменти Давлат ёнғин назорати бошқармаси раҳбари Асанғали Тўлепбергенов.