“AMANAT” партиясининг “Қарзсиз жамият” лойиҳаси бўйича давлатимизнинг 8та минтақасида 20 мингдан зиёд одам молиявий саводхонлигини оширди, уларнинг аксарияти 10 ҳамда ундан кўп насия олган шахслар. Ушбу лойиҳа самара бермоқда.

Бугун элимизнинг барча ҳудудларида “Қарзсиз жамият” лойиҳасининг жорий йилги ўқишлари бошланди. 

“AMANAT” партиясининг Марказий девонида ҚР Бош вазирининг ўринбосари – молия вазири Ерулан Жамаубаев раислигида “Қарзсиз жамият” лойиҳасини ишга тушириш масаласига бағишланган мажлис ўтди. Унга ҳудудий партия филиаллари видеоанжуман алоқа тизими орқали уланди. Партиянинг Туркистон вилоят филиалида ўтган мажлисда вилоят ҳокими ўринбосари Зулпихар Жўлдасов, партия филиали раиси, вилоят маслаҳати депутати, партия фракцияси етакчиси Алтинсари Умбеталиев, партия филиали ижроия котибининг ўринбосарлари ва масъул ходимлар, соҳавий бошқармалар ва иккинчи даражали банклар вакиллари иштирок этди.

“AMANAT” партияси ташаббуси билан амалга оширилаётган лойиҳа доирасида 2023 йил республикамизнинг 8та минтақасида 65 минг фуқаро молиявий саводхонлик курсларини тамомлагани ҳақида ижроия котиби Даулет Керимбек маълум қилди. 

У 2024 йилда режа асосида 10500 киши лойиҳага жалб этилишини маълум қилди. Минтақага бириктирилган мутасадди мутахассислар Саврон, Келес, Чордара, Мақтаарал, Жетисай, Сариоғоч туманлари аҳолисининг молиявий саводхонлигини оширишга ҳисса қўшади.