Шоир, ТУРКСОЙ Ёзувчилар уюшмаси раиси Улиқбек Есдаулет етакчилигидаги адиблар гуруҳи Туркистонга ташриф буюрди. Вилоят ҳокими Дархан Сатибалди улар билан учрашув ўтказиб, долзарб масалалар юзасидан фикр алмашди. Учрашувда қозоқ адабиётини ривожлантириш, ёшларни китоб мутолаасига жалб қилиш бўйича таклифлар билдирилди.

– Вилоятимиз маънавият соҳасини жонлантирадиган лойиҳалар ва қадриятларга муҳтож. Биз бу йўналишда фаол иш олиб бормоқдамиз. “Ёшларни китоб ўқишга қандай қизиқтириш мумкин?” деган савол ҳам мени кўп ўйлантиради. Бу адибларга ҳам боғлиқ. Агар биз адабиётни замонавий ва қизиқарли эта олсак, бу албатта, катта ютуқ бўларди. Адабиётимизни ўзимиз қўллаб-қувватлашимиз керак. Зеро, халқимиз асрлар давомида дунё тамаддуни ривожига муносиб ҳисса қўшган комил фарзандлари, уларнинг илмий-маънавий мероси билан ҳам бошқа халқлар орасида ҳурмат-эътиборга сазовор бўлиб келган, – деди вилоят ҳокими Дархан Амангелдиули.

Учрашувда вилоят раҳбари Улиқбек Ўразбайулини 70 ёшга тўлиши муносабати билан табриклаб, унга чуқур ҳурмат-эҳтиромини билдирди.

Улиқбек Есдаулет Туркистонда “Туркий олам китоблари” кўргазма-ярмаркасини ташкил этишни таклиф қилди. Бу қозоқ тилидаги  китобларни хорижда тарғиб қилиш ва оммалаштириш учун ажойиб имконият бўлади. Шунингдек, у ТУРКСОЙ халқаро ташкилоти бу борада ёрдам беришга тайёрлигини таъкидлади.

– Халқимизнинг табиати ва тарихий тажрибасидан келиб чиққан ҳолда, маънавий тарбия ва маърифий баркамоллик Янги Қозоғистон ғоясининг муҳим талабига айланди. Адабиётга эътибор бу – келажакка эътибордир. Мазкур сўзларнинг амалий ифодасини бугун биз –  ижодкорлар амалда кўриб, ҳис қилиб турибмиз, – деди у.

Бундан ташқари, раис йил давомида Қозоғистон Ёзувчилар уюшмасининг 90 йиллиги кенг нишонлангани, унинг доирасида кўплаб кенг кўламли тадбирлар ўтказилганини таъкидлади.

Йиғилишда Қозоғистон Ёзувчилар уюшмасининг Астана шаҳридаги вакили шоир Даулеткерей Қапули ўз таклифлари билан ўртоқлашди. “Фолиант” нашриёт-матбаа ижодий уйи директори Нурлан Исабековнинг болалар адабиётини ривожлантришга оид фикрлари ҳам тингланди.