Туркистон шаҳрида “Бадастир мактаб” лойиҳаси доирасида барпо этилган 34-сонли янги мактаб фойдаланишга топширилди. 1200 ўқувчига мўлжалланган таълим муассасасида болаларнинг сифатли таълим олиши учун барча шарт-шароитлар яратилган.

Янги мактабнинг очилиш маросимида вилоят ҳокимининг ўринбосари Бейсенбай Тажибаев иштирок этиб, йиғилганларни ушбу муҳим воқеа билан табриклади.

– “Бадастир мактаб” лойиҳаси доирасида қурилаётган 29та мактабдан ташқари, вилоят бюджети ва бошқа молиялаштириш манбалари ҳисобидан яна 21та мактаб барпо этилмоқда. Ушбу 50та мактабнинг фойдаланишга топширилиши вилоятдаги хароба ва уч навбатли мактаблар муаммосини ҳал этишга хизмат қилади. Биз таълим тизимини сифат жиҳатидан юксалтиришга алоҳида эътибор қаратмоқдамиз. Жорий йилда мактаблар видеокузатув тизимлари, сигнализация ва бошқа назорат ускуналари билан жиҳозланган ҳамда улар полициянинг тезкор бошқарув марказига уланган. Бу ўқувчиларнинг тўлиқ хавфсизлигини таъминлаш имконини беради, – деди Бейсенбай Даулетули.