Туркистон шаҳридаги “Дўстлик” уйида Қозоғистон халқи Ассамблеясининг «Давлат тили – этнослараро мулоқот тили» лойиҳаси доирасида «Этнос вакилларига давлат тилини ўргатишнинг самарали йўллари: янги инновациявий усуллар» мавзуида давра суҳбати ўтди.

Йиғилишни вилоят ижтимоий тараққиёт бошқармаси раҳбарининг ўринбосари, ҚХА котибияти мудири Нурсултан Сейтжанов олиб борди.

Учрашувда Туркистон вилоят ижтимоий тараққиёт бошқармаси ва «Ижтимоий тотувлик» ДКК раҳбарияти, вилоят ҚХА ҳузуридаги этномаданият бирлашмалар вакиллари ва туман, шаҳарлардаги аралаш мактаблар ўқитувчилари, тил ўргатиш марказларининг қозоқ тили ўқитувчилари ва ёшлар иштирок этди.

Йиғилишда Х. А. Яссавий номидаги ХҚТУнинг Тайёргарлик марказининг қозоқ ва рус тиллари бўлими раҳбари, педагогика фанлари номзоди Ақбўта Мирзаханова, вилоят таълим бошқармасининг ўқув бўлими бош мутахассиси Зубайра Алтаева минтақадаги этник гуруҳлар ўртасида давлат тилини тарғибот қилиш хусусида нутқ сўзлаб, тил ўрганишнинг самарали йўллари ҳақидаги фикрларини илгари сурди.

Йиғилишда барча соҳалардаги ҳужжатларни давлат тилида юритиш орқали аҳоли саводхонлигини оширишга йўл очилгани таъкидланди. 

Ушбу давра суҳбати давомида иштирокчилар давлат тилини ўзлаштириш юзасидан ўз фикр-мулоҳазалари билан ўртоқлашдилар.