Қозоғистоннинг Хитойдаги сайёҳлик йили доирасида вилоятимизнинг маданият ва сайёҳлик соҳаси вакиллари Хитой пойтахтига ташриф буюришган эди. Хусусан, вилоят кутубхонаси раҳбарияти Хитой Миллий кутубхонасидаги ҳамкасбларининг иш тажрибаси билан танишишди. 

– Пекин шаҳридаги ушбу кутубхонада ажойиб муҳит яратилганки, буни таърифлашга тил ожиз. Бир вақтнинг ўзида уч қаватда 500 мингга яқин китобхон турли адабиётларни мутолаа қилмоқда. Бу биринчидан. Иккинчидан эса бу ерда сукунат ҳукмрон. Учинчи хусусияти – ўқувчига хизматдан фойдаланиш учун қулай шароитлар яратилган. Хизматлар автоматлаштирилган. Китобларни терминаллардан олишар экан. Бундан ташқари, хитойликлар бизнинг миллий либосларимизга қизиқиш билдиришди. Қозоғистонни кўпчилик билмас экан. Аммо Димаш ва Головкин орқали анча маълумотга эга экан. Хитойликлар китобхон миллат эканлигига ишонч ҳосил қилдик. Олам-олам таассурот олиб, фойдали тажрибага эга бўлдик, – деди Жанат Шардарбекова.