Вилоятимизда Фавқулодда вазиятлар департаментининг ташаббуси билан15 августда бошланган “Ёнғин хавфсизлиги ойлиги” 5 октябргача давом этади. Шу мақсадда шаҳар ва туманларда махсус ишчи гуруҳлари тузилган. Улар аҳолига ёнғин хавфсизлигига риоя қилиш юзасидан тушунтириш ишларини олиб боришмоқда. Бу ҳақда вилоят ФВДнинг Давлат ёнғин назорати бошқармаси раҳбари ўринбосари Нурбўлат Педен маълум қилди.

– 2023-2024 йилги иситиш мавсумида вилоятимизда 201та ёнғин ҳолати рўйхатга олинди. Моддий зарар – 286 млн. 577 минг тенгени ташкил қилди. Ёнғиннинг 53 фоизи хусусий уйларда рўй берган. Уларнинг аксарияти электр ускуналарини ўрнатиш ва фойдаланиш қоидаларини бузиш, жумладан, электр симларининг эскириши туфайли рўй берган. Шу муносабат билан бошқарма томонидан 26380та хонадон кўздан кечирилиб, тушунтириш ишлари юритилди. Бундан ташқари, ёнғиннинг олдини олиш мақсадида вилоят ҳудудидаги бильбордларга видеолавҳалар жойлаштирилди, ОАВда ҳам тушунтириш ишлари олиб борилмоқда, – деди Н. Педен.