Вилоятга хизмат сафари доирасида ҚР Бош вазири ўринбосари Тамара Дуйсенова қатор ташкилотлар раҳбарлари иштирокида йиғилиш ўтказди. Унда Давлат раҳбари ташаббусларининг ижроси ва уларнинг Туркистон вилояти иқтисодиётига таъсири муҳоккама қилинди.

– Давлатимиз раҳбари Қозоғистон халқига Мактубида соғликни сақлаш соҳаси бўйича қатор топшириқлар берди. Жорий йил охиригача мажбурий тиббий суғурта тизимини рақамлаштириш, кейинги йил охирига қадар эса Ягона миллий ахборот тизимини жорий этиш режалаштирилган, – деди у.

Бош вазир ўринбосари Қазиғурт тумани, Махамбет Ўтемисов қишлоғидаги тиббиёт муассасаси фаолияти билан танишиб, беморлар билан суҳбатлашди. 

– Юртимизда соғликни сақлаш тизимида олиб борилаётган ислоҳотларни изчил давом эттириш ва аҳоли саломатлигини сақлаш борасида белгиланган устувор вазифалар ижросини таъминлаш мақсадида ислоҳотларни изчил давом эттириш ва тиббиёт ходимларининг салоҳиятини ошириш учун зарур шарт-шароитлар яратилмоқда. Айниқса, сўнгги йилларда Президентимиз томонидан соҳага қаратилган эътибор бу борадаги ишларни янги босқичга кўтариш баробарида, аҳолининг тиббий хизматдан мамнун бўлишида муҳим омил бўлмоқда. Президент Мактубида белгиланган вазифалар замирида ҳам эл саломатлигини мустаҳкамлаш йўлидаги эзгу саъй-ҳаракатларни янги босқичда давом эттириш мақсади мужассам. Давлат раҳбарининг топшириғига кўра, “Қишлоқ соғликни сақлаш тизимини замонавийлаштириш” миллий лойиҳаси амалга оширилмоқда. Туркистон вилоятида 49та бирламчи тиббиёт муассасаси қурилиши режалаштирилган, – деди у.

Хизмат сафари доирасида Бош вазир ўринбосари раислигида вилоятда соғликни сақлаш тизимини ривожлантириш масалаларига бағишланган йиғилиш ўтди. Унда тегишли вазирлик, Мажбурий тиббий суғурта жамғармаси вакиллари, вилоятдаги тиббиёт ташкилотлари раҳбарлари иштирок этди. 

Президентимиз Мактубида қишлоқ аҳолиси даромадини оширишга қаратилган “Қишлоқ омонати” дастурига ижобий баҳо берди. 

Тамара Дуйсенова қишлоқ ҳокимлари билан ўтган йиғилишда қишлоқ аҳолиси фаровонлигини ошириш чора-тадбирларини муҳокама қилди.