Вилоят ҳокимлиги қошидаги ҳуқуқбузарликларнинг олдини олишга доир идоралараро комиссиянинг навбатдаги мажлиси ўтди. Унда ҳуқуқни муҳофаза қилиш идоралари ва вилоят бошқармалари раҳбарлари иштирок этди. Мажлисга вилоят ҳокими Дархан Сатибалди раислик қилди ва олиб борди. Муҳим аҳамиятга молик йиғилишда учта масала муҳокама қилинди.

Кун тартибида йўл-транспорт ҳодисаларининг олдини олиш чоралари бўйича вилоят полиция департаменти раҳбарининг биринчи ўринбосари Бағланбек Айтпаев ва вилоят йўловчилар транспорти ҳамда автомобиль йўллари бошқармаси раҳбари Қуатжан Жуматаев маъруза қилди.

Вилоят ҳокими Дархан Сатибалди йўловчилар хавфсизлигини таъминлаш, йўлтранспорт ҳодисаларининг олдини олиш йўналишидаги тадбирларни янада жонлантиришни топширди. Минтақа йўлларини таъмирлаш давом эттирилишини маълум қилди.

Мажлисда “Балоғатга етмаганлар ҳамда уларга қарши жиноятларнинг олдини олиш” мавзуида ҳам маърузалар бўлди, мутасаддиларга топшириқлар берилди.

Йиғилиш якунида комиссия аъзоларининг таклиф ва эслатмалари баённомага киритилди. Ушбу йўналишда ишлар давом эттирилади.