Қозоғистон Республикаси Президенти Маъмуриятининг розилиги ва вилоят ҳокимининг фармойиши билан Азимбек Пазилбекули Туркистон шаҳрининг ҳокими лавозимига тайинланди. Янги ҳокимни шаҳар фаолларига вилоят ҳокими Дархан Сатибалди таништирди.

Шаҳар маслаҳати депутатлари шаҳар ҳокими лавозимига тавсия қилинган Азимбек Пазилбекулининг номзодини қўллаб-қувватлаб, овоз беришди. 

Дархан Сатибалди янги раҳбарга шаҳарни ривожлантириш, туркий оламнинг марказига айлантириш, сайёҳлик ҳамда иқтисодий салоҳиятини юксалтириш йўналишида муҳим вазифалар юкланганини таъкидлаб, келгуси ишларига муваффақиятлар тилади.

Азимбек Пазилбекули 1991 йили Қизилўрда вилояти, Жанақўрған туманида туғилган. Олий маълумотли. Ал-Форобий номидаги Қозоқ миллий университети, Қўрқит Ата номидаги Қизилўрда давлат университети, М. С. Нариқбаев номидаги Қозоқ давлат ҳуқушунослик университети ҳамда “Болашақ” университетини тамомлаган. 

Ихтисослиги – давлат ҳамда маҳаллий бошқарув, иқтисодиёт, қурилиш, ҳуқуқшунослик.Меҳнат фаолиятини 2013 йили Қизилўрда шаҳар ички сиёсат бўлимида етакчи мутахассис, бош мутахассис лавозимларида бошлаган.

Қозоғистон Республикаси Сармоялар ҳамда тараққиёт вазирлиги ва Қозоғистон Республикаси Саноат ҳамда инфратузилмавий тараққиёт вазирлигининг бошқармаларига раҳбарлик қилган.