Саккизинчи чақириқ вилоят маслаҳатининг навбатдаги ўн иккинчи сессияси ўтди. Сессия ишида маслаҳат раисининг вазифасини вақтинча бажарувчи Алмас Салимов вилоятдаги янги тайинлашлар хусусида маълумот берди ва тадбирни олиб борди.

Давлат раҳбари Қасим-Жўмарт Кемелули Тўқаевнинг “Адолатли Қозоғистон: Қонун ва интизом, иқтисодий тараққиёт, ижтимоий некбинлик” номли Қозоғистон халқига йўллаган Мактубидаги муҳим тамойилларга тўхталди.

Шунингдек, вилоят ҳокимининг ўринбосари Н. Кўшеров ҳудудимизнинг ижтимоий-иқтисодий тараққиётига ҳисса қўшган бир гуруҳ меҳнат фахрийларини вилоятнинг Фахрий ёрлиғи билан тақдирлади. Саккизинчи чақириқ вилоят маслаҳатининг навбатдаги ўн иккинчи сессияси ишида минтақа раҳбарининг ўринбосари Н. Кўшеров, ҳокимлик аъзолари, шаҳар, туман маслаҳати раислари, вилоят давлат органларининг раҳбарлари, сайлов комиссияси раиси, жамоат ташкилотлари вакиллари, шунингдек, ОАВ вакиллари иштирок этди. Кун тартибида 19та масала кўрилди. Вилоят ҳокимининг ўринбосари маъруза қилиб, минтақа амалга оширилган ишларга тўхталди. Депутатлар вилоят ҳокимлигининг фаолиятига ижобий баҳо беришди. Шу билан бирга, вилоят бандликни мувофиқлаштириш ва ижтимоий дастурлар, қурилиш, маданият бошқармалари раҳбарларига саволлар бериб, қарор лойиҳаларига тавсиялар киритишди.

Сессияда кўрилган масалалар юзасидан маслаҳат депутатлари тегишли қарорлар қабул қилишди.