Туркистон шаҳрида қад ростлаган “Дўстлик уйи”да вилоят “Ынтымақ” этномаданият бирлашмасининг ташаббуси билан “Этнослар тили, маданияти ва анъаналари куни” нишонланди.

 Мамлакатимизда барқарорлик, ҳамжиҳатлик ва эл бирлигини мустаҳкамлаш мақсадида уюштирилган тадбирда вилоят ҚХА аъзолари, вилоят этномаданият бирлашмалари вакиллари, шунингдек, Қирғизистон, Туркманистон, Афғонистон, Доғистондан келган меҳмонлар, “Ассамблея ёшлари” бирлашмасининг вилоят вакиллиги аъзолари, Хожа Аҳмад Яссавий номидаги ҲҚТУ талабалари иштирок этди.

Байрам тадбирини вилоят “Ынтымақ” этномаданият бирлашмасининг раисаси Гулбарам Малбаева олиб борди.

Тадбир иштирокчилари дастлаб этномаданият бирлашмасининг махсус тайёрланган кўргазмаси билан танишишди.

Тантананинг очилиш маросимида сўзга чиққан “Жамоат тотувлиги” ДКК раҳбари ўринбосари Ерназар Баетов, вилоят ҚХА қошидаги Оналар кенгаши раисаси Гулсара Тўққулова, Хожа Аҳмад Яссавий номидаги ХҚТУ ректори ўринбосари Едил Тўлегенов муҳим учрашувнинг аҳамиятига тўхталиб, ижтимоий тотувлик ва барқаролик асосий тамойилимиз бўлиши жоизлигини таъкидлади.

Тинчлик, тотувлик ва эл бирлиги тараннум этилган тадбирда ватанпарварлик руҳидаги куй-қўшиқлар янгради, байрам иштирокчилари йиғиндан ўзгача таассурот билан қайтишди.