Туркистон шаҳрида “Turkistan Marathon – 2024” марафони ўтди.

Тадбир Туркистон вилоят ва шаҳар ҳокимликлари шафелигида “Биринчи бўлиш – жасорат” корпоратив жамғармаси томонидан уюштирилди.

Мусобақа Visit Turkistan ҳудудида ўтди. Унда 40дан зиёд мамлакатдан 3000 нафар ҳаваскор спортчи қатнашди. Иштирокчилар Туркистон шаҳридаги муҳим иншоотларни оралаб, Бекзат Саттарханов кўчасидан аэропорт томонга югуриб, маррага қайтиб келишди.

Мусобақанинг очилиш маросимида вилоят ҳокими ўринбосари Ертай Алтаев иштирокчиларни қутлаб, уларга муваффақият тилади.

– Бугун шаҳримиз ва мамлакатимиз ҳаётидаги муҳим воқеа – Туркистон марафони ўтмоқда. Бундай йирик тадбирнинг айнан Туркистон шаҳрида ўтаётганидан мамнунмиз. Бу каби мусобақалар оммавий спортнинг ривожига ижобий таъсир кўрсатади ва қўҳна шаҳарнинг сайёҳлик салоҳиятини кенг тарғиб этиш имконини беради, – деди Ертай Кенжебекули.

 “Turkistan Marathon” марафонининг узунлиги анъанавий равишда 10 чақирим, 21,1 чақирим – ярим марафон, 42,2 чақирим – марафон ва 3 чақирим – 10-14 ёш оралиғидаги болалар учун мўлжалланган. 

Таъкидлаш жоизки, марафон доирасида 35 ёшдан ошган иштирокчилар ўртасида 42,2 чақиримга югуриш бўйича Қозоғистон чемпионати ҳам ўтди.